轉眼間又到二月尾喇！全球疫情影響下，相信大家為咗安全都會選擇留喺屋企，喺屋企又點會少得過煲吓劇打發時間呀！新年賀歲片就睇得七七八八喇，但都唔曬擔心劇荒，Netflix嚟緊都會推出一系列新嘅電影同劇集🥳🥰 今次小編就私心為大家整理咗3套三月份小編認為最吸引嘅劇集～
《喜歡的話請響鈴》Love Alarm 第二季
小編期待已久嘅韓劇《喜歡的話請響鈴》終於要出第二季喇！！！《喜歡的話請響鈴》喺一部高中校園愛情劇，翻拍自同名嘅人氣網路漫畫。劇情喺講社會上出現咗一個叫「戀愛鈴」嘅APP～當喜歡自己嘅人出現喺附近而對方都有開啟響鈴「戀愛鈴」就會響起鈴聲提醒你， 上季結局金所炫、宋康同鄭家藍陷入三角戀，令人相當期待故事走向。《喜歡的話請響鈴》會喺3月12號Netflix上影～
《弒妻疑雲：伯納・維斯法議員案》
唔知大家有冇睇過藍可兒事件嘅紀錄片呢？Netflix就順勢上映《弒妻疑雲：伯納・維斯法議員案》喇～ 呢部喺一部比利時紀錄片，講述一個比利時政客喺2013年被指控謀殺妻子嘅高調案件。劇情令人體驗到人類最原始、醜陋嘅本性《弒妻疑雲：伯納・維斯法議員案》會喺3月17號Netflix上影～
《死亡無限2次LOOP》Happy Death Day 2U
《死亡無限2次LOOP》喺《死亡無限LOOP》嘅續集。故事喺講述主角被一個戴面具嘅不明殺手殺害 ， 但每一次死咗之後都會喺同一日醒返，然後再被殺害。劇情峰迴路轉，十分有深度。《死亡無限2次LOOP》會喺3月10號Netflix上影 ～
Photo Source：Netflix
Comentários