• Kary

露營推介!懶人三餐超簡易食譜

Updated: Mar 5, 2021

就嚟三月,唔少人都會選擇去露營,呼吸下新鮮空氣,唞一唞~ 但身為吃貨,就算去露營享受大自然,三餐都唔可以求其。今次就教大家如何利用簡單食材亦都可以係郊外食出滋味,唔再餐餐罐頭公仔麵咁索然無味。

 

早餐:牛油果他他滑蛋烘多士配香草薯粒、餐肉及香草腸


露營最常見嘅簡易早餐就一定喺多士喇~只要將麵包稍為烘一烘,頓成焦脆的烘多士;塗上人手攪碎嘅牛油果他他醬,另配竹絲雞炒蛋、香草炒薯粒、餐肉及香腸,更可因應喜好自由DIY西多士嘅配料。




午餐:雜扒拼盤(香煎雞扒、西冷扒)+豆乳野菜鍋


露營食譜又點會少左肉類呀!冷冰嘅荒野裏有熱辣辣嘅肉扒,一定會令整個露營非常難忘🥰。首先,肉先喺室溫放置10至20分鐘完全解凍退水,然後預熱平底鑊,加少量油或牛油,用大火煎煮肉扒兩面煎至焦脆,再較慢火繼續煎大約3-5分鐘,時間就視乎肉趴嘅大細,同個人鍾意嘅成熟度而決定。最後,灑上鹽或者胡椒調味。完成後,等肉扒降溫,再切成條狀,咁就可以避免肉汁快速流失,確保肉質嬌嫩,味道香濃。


食完扒就要飲下湯暖下胃喇!事先準備一包野菜豆乳鍋湯底,再將娃娃菜洗淨,撥開一片片,加入玉子豆腐及少許鹽作調味,無需特別技巧,一大鍋濃郁香溢嘅蔬菜湯便大功告成

下午茶:爆谷

下午時段,可以用簡單嘅爆谷製作,增加露營樂趣!首先,奶油入鍋加熱融化 ,放入乾玉米粒跟奶油拌勻,蓋上鍋蓋,聽到爆谷叮叮咚咚跳動嘅聲慢慢停止後,打開鍋蓋,加入適量可可粉拌勻就完成囉!

晚餐: A4紙箱烤雞+清酒煮蜆


「A4紙箱烤雞」簡單易整,肉質尤其嫩滑,更比一般煮法可口。露營前,可以喺屋企預早將雞醃好,用鹽及黑胡椒,塗勻雞身,再將牛油放入兩邊雞胸中,然後放入雪櫃醃一晚。以燒烤叉撐起整隻雞,記得要以交叉方向撐開雞脾同雞翼位置。之後,就到處理A4紙盒喇!把錫紙內層舖滿A4紙盒,剪開紙盒4邊,用燒烤叉刺出多個小孔散熱。最後,終於到焗雞喇!將燒紅嘅炭放入紙盒,雞胸朝下烤至少30分鐘。

清酒煮蜆都十分簡單,只需用開水放入木魚花熬湯2至3分鐘,水煮開後放入白沙蜆,將木魚花撈起,中途放入清酒煮沸,加入日式豉油就完成喇~

11 views0 comments

Recent Posts

See All